Payment information

SHARTNOMA-OFERTA
ilmiy maqolalarni
elektron jurnalga joylashtirish to‘g‘risida

1. Umumiy qoidalar.

1.1. Ushbu hujjat O‘zbekiston Respublikasi Fuqarolik kodeksining 367–378-moddalariga muvofiq rasmiy taklif (ommaviy oferta) hisoblanadi hamda mualliflik maqolalarini haq evaziga «Menejment va iqtisodiyot ilmiy-tadqiqot jurnali»ning elektron nashrida (keyingi o‘rinlarda – Jurnal) joylashtirish bo‘yicha shartnoma tuzish shartlarini o‘z ichiga oladi. Jurnal journals.timeedu.uz saytida joylashtirilgan.

1.2. Ushbu ofertani aksept (qabul qilish) qilgan taqdirda, maqolani yuborgan va to‘lovni amalga oshirgan jismoniy yoki yuridik shaxs Muallif hisoblanadi hamda quyida ko‘rsatilgan shartlar asosida Jurnal bilan shartnoma tuzgan deb hisoblanadi.

2. Shartnoma predmeti.

2.1. Muallif o‘z maqolasini Jurnal va uning tarmoq resurslarida elektron shaklda chop etish va joylashtirish huquqini Jurnalga taqdim etadi.

2.2. Jurnal Muallif tomonidan taqdim etilgan maqolani ko‘rib chiqishni, ijobiy qaror qabul qilinganda esa, maqolani nashr etish talablari bajarilganda va Muallif tomonidan to‘lov amalga oshirilgan taqdirda, Jurnalning yaqin sonida chop etishni zimmasiga oladi.

2.3. Muallif maqoladan foydalanish bo‘yicha (elektron shaklda joylashtirish, arxivda saqlash, ma’lumotlar bazalarida indeksatsiya qilish) Jurnalga noeksklyuziv huquqlarni taqdim etadi hamda boshqa barcha mualliflik huquqlarini o‘zida saqlab qoladi.

3. Tomonlarning huquq va majburiyatlari.

3.1. Muallif quyidagilarni zimmasiga oladi:

- uchinchi shaxslarning mualliflik huquqlarini buzmagan holda original ilmiy maqola taqdim etish;

- Jurnal tariflariga muvofiq nashr xarajatlarini to‘lash;

- Jurnal saytida joylashtirilgan maqolalarni rasmiylashtirish qoidalariga rioya qilish.

3.2. Jurnal quyidagilarni zimmasiga oladi:

- taqdim etilgan maqolani ko‘rib chiqish;

- maqola talablarga muvofiq bo‘lganda uni belgilangan muddatda chop etish;

- maqolani Jurnal tarkibida saytida va Jurnal hamkorlik qilayotgan elektron ma’lumotlar bazalarida mavjud bo‘lishini ta’minlash.

3.3. Jurnal quyidagi huquqlarga ega:

- maqola talablarga mos kelmagan taqdirda uni chop etishni rad etish (to‘lovni qaytarish yoki tashkiliy yig‘imni ushlab qolish – Jurnal qoidalariga muvofiq);- maqolaning mazmun-mohiyatini buzmagan holda tahririy tuzatishlar kiritish.

4. Narx va to‘lov tartibi.

4.1. Maqolani joylashtirish narxi bir maqola uchun 199 920,00 (bir yuz to‘qson to‘qqiz ming to‘qqiz yuz yigirma) so‘mni tashkil etadi, shu jumladan 12% QQS.

4.2. To‘lov Muallif tomonidan naqd pulsiz shaklda, oldindan to‘lov tarzida, Jurnalning rasmiy saytida ko‘rsatilgan elektron to‘lov tizimlari (Click, Payme, Paynet va boshqalar) orqali amalga oshiriladi. Barcha komissiya va to‘lov tizimlari foizlari Muallif tomonidan qo‘shimcha ravishda to‘lanadi hamda nashr narxiga kiritilmaydi. Maqola to‘liq to‘lov summasi Jurnalning hisob raqamiga tushgandan keyingina chop etish uchun qabul qilinadi.

4.3. To‘lov amalga oshirilgan deb, mablag‘lar Jurnal hisob raqamiga o‘tkazilgan paytdan boshlab hisoblanadi.

5. Tomonlarning javobgarligi.

5.1. Muallif taqdim etilgan ma’lumotlarning ishonchliligi, maqolaning originaligi va mualliflik huquqlariga rioya qilishi uchun javobgar hisoblanadi.

5.2. Jurnal maqola chop etish uchun qabul qilingandan va to‘lov amalga oshirilgandan so‘ng uni belgilangan tartibda joylashtirish uchun javobgar hisoblanadi.

5.3. Jurnal maqola ochiq foydalanish uchun joylashtirilgandan so‘ng uchinchi shaxslar tomonidan ruxsatsiz ko‘chirilishi uchun javobgar hisoblanmaydi.

6. Shartnomaning amal qilish muddati.

6.1. Shartnoma oferta aksept qilingan paytdan boshlab (maqola yuborilgani va to‘lov amalga oshirilganidan so‘ng) kuchga kiradi hamda tomonlar o‘z majburiyatlarini to‘liq bajargunlariga qadar amal qiladi.

6.2. Nashr etish huquqlari Jurnal tasarrufida muddatsiz saqlanib qoladi.

7. Yakuniy qoidalar.

7.1. Muallif tomonidan maqola yuborilishi va to‘lov amalga oshirilishi ushbu oferta shartlariga to‘liq va so‘zsiz rozilik bildirilganini anglatadi.

7.2. Ushbu shartnomadan kelib chiqadigan barcha nizolar muzokaralar yo‘li bilan hal etiladi, kelishuvga erishilmagan taqdirda esa Jurnal joylashgan hudud sudida ko‘rib chiqiladi.

7.3. Jurnal ushbu oferta shartlariga o‘zgartirishlar kiritish huquqiga ega. O‘zgartirishlar Jurnal saytida e’lon qilingan paytdan boshlab kuchga kiradi va e’lon qilingan sanadan keyin tuzilgan shartnomalarga tatbiq etiladi.

8. Jurnal rekvizitlari.

Nomi: Elektron «Menejment va iqtisodiyot ilmiy-tadqiqot jurnali».

Tashkilotchi: NTM «TOSHKENT MENEJMENT VA IQTISODIYOT INSTITUTI».

Manzil: Toshkent shahri, Yakkasaroy tumani, Tukimachi MFY, Sh. Rustaveli ko‘chasi, 114-uy

Hisob raqami: 20208000405443676004                               

«Ipak Yo‘li»AIT bankining Sag‘bon filiali                                        

MFO: 01036

STIR:308 906 510

QQS to‘lovchining ro‘yxatga olish kodi: 326090207934